Маҳаллада ташаббус ва даромад: қуёнчиликдан савдогача

2026-03-12

                                         Маҳаллада ташаббус ва даромад: қуёнчиликдан савдогача

📍Қарши шаҳри Бўстон маҳалласида истиқомат қилувчи Раʼно Абдужалилова маҳалласидаги ҳоким ёрдамчиси тавсияси билан “Ҳар бир оила тадбиркор” дастури доирасида 33 миллион сўм имтиёзли кредит олиб, қуёнчилик фаолиятини йўлга қўйди.

– Бошида иккиланишлар бўлди. Лекин қуёнчиликни ўрганиб чиққанимдан сўнг бу иш оиламиз учун энг мақбул йўналиш эканига ишондим. 

🐇Ҳозир 100 га яқин зотли қуёнларим бор. Даромадимиз ҳам барқарорлашди, энг муҳими, ўз меҳнатимиз самарасини кўряпмиз, – дейди тадбиркор.

▫️ Шунингдек, маҳаллада аҳоли эҳтиёжларидан келиб чиқиб савдо ва хизмат кўрсатиш йўналишларида ҳам янги лойиҳалар амалга оширилмоқда.