“Xontepa” MFY binosi va xizmat uyi foydalanishga topshirildi

2023-09-11

"Xontepa" MFYda 4000 nafardan ziyod aholi yashaydi. Ular orasida qoraqalpoq, rus, tatar, tojik, qozoq, turkman va koreys millati vakillari ham bor. Ushbu mahalla "beshligi"ga quyosh panelli zamonaviy bino va profilaktika inspektoriga "yashil energiyali" xizmat uyi foydalanishga topshirildi.

Tantanali tadbirda viloyat hokimi Murotjon Azimov ham ishtirok etib, mahalla ahlini bayram bilan tabrikladi. Tadbirkorlikni rivojlantirish orqali aholi bandligini ta'minlash, jamoat tartibini saqlash, fuqarolar xavfsizligini ta'minlash va ijtimoiy profilaktikani to‘g‘ri yo‘lga qo‘yish bo‘yicha "beshlik" bilan muloqot qildi.