Viloyat hokimi qabuliga ish soʼrab kelgan fuqaro oradan 3 kun oʼtib ishga joylashtirildi

2023-08-09

Murotjon Аzimov qabuliga ish soʼrab kelgan Qarshi tumanida yashovchi fuqaroga, Qashqadaryo viloyati Kambagʼallikni qisqartirish va bandlik bosh boshqarmasi tomonidan, oʼzi yashaydigan hududdagi maktablarning biridan boʼsh ish oʼrni taklif qilingan va viloyat hokimi masʼullarga fuqaroni tezroq ishga joylashtirish haqida topshiriq bergan edi.

Topshiriq bajarildi. Fuqaro Nurmoʼminov Marat, Qarshi tuman maktabgacha va maktab taʼlimi boʼlimiga qarashli 33-umumiy oʼrta taʼlim maktabiga jismoniy tarbiya fani oʼqituvchisi lavozimiga ishga qabul qilindi.