Eng ko‘p talab qilinadigan va dolzarbligi yo‘qolmaydigan kasblar

2024-05-01

Eng ko‘p talab qilinadigan va  dolzarbligi yo‘qolmaydigan kasblar

Jurnalistika

Bu kasb dunyodagi eng qadimgilardan biri hisoblanadi. Barcha davrlarda ma’lumot to‘plashni va uni odamlarga mazmunli yetkazishni bilgan mutaxassislar bo‘lgan. Jurnalistika sohasi juda ko‘p o‘zgarishlarni boshdan kechirdi. Bugungi kunda bu nafaqat axborotni tarqatish bilan bog‘liq bo‘lgan mutaxassislik, balki jamoatchilik fikrini shakllantirish bilan bog‘liq sohadir. Ayrim nufuzli ommaviy axborot vositalari xodimlarining bayonotlari tinglovchilar uchun katta ahamiyatga ega.

Shifokor

Shifokorlik kasbi insoniyat tarixi davomida mavjud bo‘lgan va hech qachon yo‘qolmaydi. Sog‘lig‘i bilan muammosi bor inson albatta shifokor yordamiga muhtoj bo‘ladi. Tibbiyot inson faoliyatining eng qadimiy sohalaridan biri bo‘lishiga qaramay, unda doimiy ravishda yangi yo‘nalishlar paydo bo‘ladi.

Oshpaz

Oddiy masalliqlardan mazali asl taomlarni yaratishga qodir iste’dodli oshpazlar har doim va hamma joyda qadrlangan. Qadimda ular yuqori martabali odamlarga xizmat qilishgan. Bugungi kunda kafe va restoranlarda professional oshpazlarga talab yuqori.

Muhandis

Muhandis - bu mexanizmlar, tuzilmalar va qurilmalarni loyihalash, yaratish, sinovdan o‘tkazish hamda o‘zgartirish bilan shug‘ullanadigan mutaxassis. O‘tgan asrlar davomida texnologiyaning rivojlanishi bilan muhandislik faol rivojlandi va bugungi kunda mutaxassislar hisob-kitoblarni osonlashtirish uchun yuqori aniqlikdagi uskunalar hamda kompyuterlardan foydalanadilar.